عدت سنة!


أنا إزاي جيت هنا تاني؟
هيكون مضحك إني اقول اني جبت البلوج تاني بس كأني بدور عليها لأني فعلا مكنتش لاقياها .. مكنتش فاكرة اسمها و لما افتكرت معرفتش اوصللها.

تقريبا مرحلة من حياتي و قررت أتجنبها لأني تشاءمت منها زي ما أتشاءم من لبس او مكان و محبش اكرره تاني بسبب ذكراه معايا.

كنت مغفلة اوي و قضيت الوقت اقنع نفسي تماما إني معدتش بعرف اكتب و مفيش فايدة لحد ما اقتنعت تماما و بقيت زيرو أي حاجة ، كل حاجة جوابي عنها بيكون صفر .. صفر كبير.

أعتقد هحاول ارجع اكتب تاني حتى لو عن نفسي عشان يمكن زي ما بيقولوا اشوف الكلام ده و اضحك بعدين.
يمكن..

Comments

  1. قال عقلى يوماً .. ما هنا !September 22, 2017 at 12:55 PM

    غبية غبية غبية بطلى تقنعى نفسك بحاجات بتضرك ، انا بحب اقرأ ليكى .. حتى لو انا او انتى بنكتب اى حاجة فى أى حاجة بس بنعبر وخلاص انا بقنع نفسى بكده لانى اوقات بقول مفيش فايدة بس طب وفيها ايه ؟ هو لازم يكون فيه فايدة اكبر من انى الكتابة تكون متنقس حلو ليا ؟
    متحرميش نفسك من حاجة هتريحك بأى حجة كانت الا لو كانت غلط ..
    ممتنة انى اعرفك ♥

    ReplyDelete

Post a Comment

Popular posts from this blog

جبروت امرأة

Image
 طبعا الناس القديمة هنا عارفة إن المحتوى ملهوش أي علاقة بالعنوان، حاجة كدة بستمدها من شخصيتي شوية. دي شوية أفكارجت في بالي الفترات اللي فاتت.. قلت أرجع آكل دماغكم تاني. إز إت أباوت هورموونز أور جاست أفانتاسي؟  لما بفكر في الشعور بشكل متسع قليلاً بأدرك حقيقة مبحبهاش وهي إن كل هذه الحبكة هي مجرد تمثيل لتأثير هرمونات معينة على دماغنا، مشاعر الغضب غير المبرر ممكن تقولك إن عندك مخزون كورتيزول لا يمكن تجاهله، مشاعر السعادة بترمي سيروتونين على المستقبلات وعلى غير المستقبلات وممكن تتفرفر منك زي الريش في كل مكان.  يزعجني ويعجزني مدى سيطرة المخ على الإنسان، لدرجة تضع hypothesis بأن المخلوق الأساسي هو المخ والباقي تحصيل حاصل، كان ممكن نبقى مخ محطوط جوة صوبة وبيتخانق مع الباقيين في مشهد أنيميشن جميل وتكون البشرية كلها هذا ال villain. ألف كثيرا ما اعتقدت أن عملي الأفضل هو ما تحت الضغط، لطالما وضعت انتاجي المغلف بالتوتر تحت رف (منتجات مميزة👏) ليس لأنها مميزة حقًا، ولكنني فقدت الفاصل بين العمل الجيد بالفعل وبين تلك الأغلفة التي صُنعت في عُجالة واعتبرته انتصارا مشوقا أنني انتهيت منه قبل...
Read more

هممم

Image
ممكن نسمع دي . ثم أقول إني هنا تاني، للزيارة الموسمية لكل موسم توتر محفوف بالسعادة أو القلق أو كليهما.. ولأنه مكان صعب حد يفتحه.  جايلك المرة دي في انزعاج؛ أنزعج من الزحمة، وكذلك من إني طلعت فجأة من الصندوق الصغير اللي مكنتش شايفة أبعد من حوافه، لصندوق كبير جدا مش عارفة أشوفله حافة، ميزته الوحيدة انه مش هيتقلب أبدا، مهما تسلقت حوافه.. لكن هي فين دي؟  أطلع كل يوم أتجول وأبص يمين وشمال، أنا دارسة أبعاد الصناديق وعارفة إني لو مشيت مع الخط هوصل، بس مع أنهي خط؟ مخي مشوش، أفكاري واضحة لحد الاهتزاز، كتيرة جدا ومش عارفة مين ممكن يعمل كل ده.  كل خطوة ملازمها سؤالين: إيه تأثير ده عليكي؟ هل انتي طلعتي فعلا من الإحساس إنك المغفل الوحيد؟  التفكير صعب، صعب في ظل احتمالات لانهائية.  جبت مج حراري جديد، ظاهريا شكلي شخصية مهمة وعارفة بعمل إيه، داخليا أنا هي تلك الناموسة الموضحة بالأسفل، خايفة أعمل زيها بالظبط، أقرب من الحاجة، تغويني، أدخل عليها بعنف فأقع فريسة ليها وأكدر الإنسان اللي بيشرب الكوباية دي.  هو مش لسة بدري على الكلام ده؟ 
Read more

تاكل حاجة؟

تعرفوا حاجة تبدأ كبيرة و تنتهي صغيرة غير النار؟ البيتزا أيوة ممكن و الهامبرجر كمان و أي حاجة بتتعمل برة، عارفين ليه؟ لأنه خلاص اسمه بقى موجود و بقى واقعي إنه يلا نطلب من فل...
Read more