تاكل حاجة؟
تعرفوا حاجة تبدأ كبيرة و تنتهي صغيرة غير النار؟
البيتزا أيوة ممكن و الهامبرجر كمان و أي حاجة بتتعمل برة، عارفين ليه؟ لأنه خلاص اسمه بقى موجود و بقى واقعي إنه يلا نطلب من فلان، و يا ريت مثلا لو الخدمة قلت ولا الحجم صغر الناس هتبطل تشتري.
البوينت إنه مش احنا - معشر المستهلكين - بس اللي نعرف ده و قابلين حتى بتقلص الحاجة عن أول مرة، لأ دا كمان اللي فاتحين المحلات الجميلة دي معتمدين اصلا على اليوم ده.
في الحقيقة، أنا مكنتش أقصد الأكل ولا محلات الأكل خالص، كنت اقصدنا احنا، البشر عمومًا.
احنا بنبقى في أقصى كل حاجة واحنا صغيرين، أقصى النشاط والحماس والطاقة وحتى أقصى شعور ممكن نحس بيه في أيّ من الإكستريميتيز سواء حزن أو فرح.
ظاهريا بنبدأ صغيرين أه، بس بنبقى كتلة مليانة تماما من أولها لآخرها، و بيحصل حاجة كدة مش فاهماها كأنه اللي جوانا ده بينقص واحنا بنطول و نكبر، شئ غير عادل ابدا.
تخيل تجيب چيلي و يكشّ في الطبق؟ آكشلي انت اللي حاطه في طبق واسع و شغال تاكل منه
حاجة غريبة إنه ده مبيبقاش، شئ من طبيعتنا الآدمية بيبتدي يخمد و يصغر لدرجة إنه هيوصل في سن ما و يقولك فيه؟ تقوله مفيش 🤷🏻♀️
كل حاجة بتعدي بالوقت، مفيش حاجة أصدق من الجملة دي، بس في الحقيقة هي مش بتعدي.. احنا اللي بنفقد الريأكشن الأولاني القوي ليها، لحد ما هي و غيرها يبقى عادي جدًا.. و غالبا محدش هيقدر يعترض على كونه ' خمد فجأة'.
اللي يدرك حاجة زي دي ممكن يتضايق، أه عادي يعني يتضايقله شويتين و ينسى، و يرجع يطلب السندوتش تاني حتى لو صغر.
أصله اللي تعرفه أحسن من اللي متعرفوش، و جرعات الترقب و انتظار المفاجأة بتطلع بعد كدة بصعوبة، فليه نجرب و ليه الفرهدة؟
خلينا في المضمون يا صديقي وبلاش فرك
انا آسفة يا رب، مش عايزة أوصل لده، خليني في الطريق ده عادي بس عايزة أقضيها زحف بطئ نحو المجهول.. عايزة اسحب معايا الكومفرت زون في اي مكان اروحه.
يلا بينا نطلب من نفس الراجل حتى لو شتمني هطلب منه تاني اشطا ♥️
بعد الصدمة بعض الناس بتحس انها لازم تعمل ثورة وتمرد علي الوضع الحالي ومش ممكن نقبل بكدة ولازم نتحرك بقي.. لو حاطين الصدمة قدامهم طول الوقت ومعتبرينها حافز قوي للحركة هيغيروا الوضع او علي الاقل هيبذلوا ما في الوسع لكن مش حصلت المصيبة ونولول ونصيح ويلا ومش عارف ايه و في الأخير ننزل علي فشوش دا مكانش حاجة حقيقية والا كانت اترجمت لتغيير بجد
ReplyDeleteCome oon, we won't sacrifice ourselves just to change what actually happened, it's kinda silly to the old me to put any sort of expectations on a real cilincally dead case
DeleteHave you ever been in your life.. normal? you're just 22 and you say a real clinically dead case!! you've the power to change you know that don't lose faith.. edeha pepsi w let yourself go for a try، hard try
DeleteAn extra late reply I guess :D
DeleteI'm not laying the blame unjustly on the whole situation y3ni anyways bs okay hadeha Pepsi 😂