تم التقوير

      موود، بلاي ذيم أون شافل :D

اللي شاف البوست اللي فات هيفهم معنى العنوان، ايوووة ده إعلان. 

يوم لطيف على جميع الأصعدة، أول مرة أكتب باللون ده هنا، لأني بردو مش عارفة أوصّل كفاية الشعور اللي في هذا التراك مثلا.

تقريبًا أحلى حاجة في الدنيا هو وجود إحساس ال appreciation، انت مش بتحب الحاجة دي ولا معجب بيها لأنك متعود عليها، انت مقدّر تمامًا لكونها بتيجي على فترات وتجمل ريح أثرها طيب جدًا ودافئ جدًا.


أن تسعد حقًا لرؤيتك الناس اللي بيُطربك رؤياهم حتى لو بتشوفهم كل يوم، و يعدل مزاجك سواق الميكروباص بإنه مايزعقش النهاردة بل ويبتسم ليك بلُطف.. إنه سترينچر تقرر تحكي معاك طول طريق العودة فقط لأنه كام اوون خليني اتشارك معاكي الربع ساعة دي من حياتي، شكلك بيقول احكولي :D. 

تقدير النعمة اتضح إنه هو كمان نعمة بذاته، كان ممكن اليومين اللي فاتوا يعدّوا من غير ما أحس ناحيتهم بأي شئ.. لكن على مدار اليومين كانت بتتقال كلمة في لحظةٍ ما، موقف ما بسيط جدًا بس يا الله على دُش السيروتونين :D

تقريبًا لولا وجود هذا المعنى مكانش الإنسان لقي مبرر لحياته، وإذا أردت تقدمن ونجاحنن فاملأ الحياة همتن و كفاحننن، يا إلهي لونج تايم نو سيي والله! 

بحب الأوقات اللي بكون فيها واعية سايكولوچيًا، بيتم عندها تفعيل الأبريشييشن حتى لكوباية القهوة اللي بتطلع مظبوطة.

How could I ask for more؟
I wish you all a day way better than mine, and to feel it deep inside ♥️