عدد واحد مقال ما بعد الأنكزايتي

طبعا الكلام من مقعد الأنكزايتي يختلف كتير عن مقعدي العادي في الحياة، بتقمص الدور اوي وانا قاعدة عليه.

يا ترى ليه جيت تاني النهاردة، مش عارفة بس عايزة اتكلم عن كذا حاجة عاملين زي شبكة العنكبوت ولو مكتبتهمش هيفضلوا في دماغي لحد ما يبقى بيت عيلة العناكب.

المهم بعيدا عن الكلام العبيط اللي بحاول اكمل بيه الجملة، حاسة اني بقيت احسن في السرد، بقيت بعرف اقول اللي عايزاه و في نفس الوقت مش عايزاه في شكل ألغاز سهلة ممتنعة و ده احسن ما تكون ألغاز وبس.

تصدقوا دي الحاجة اللي لسة لحد دلوقتي بتعلمها بالتدريج؟ الصبر و وصف الأشياء بأكتر طريقة مريحة متحسسنيش إني تووو إكسبوزد أو توو بورينج - آكشلي ده حقيقي بس التخفّي بيدي رونق كدة -.

الجميل كمان في طريقة الوصف دي اني بقيت على ما اوصل لنص الكلام بنسى بجد اللي كنت ناوية اقوله، مما يجعل الكلام عن المشكلة بطريقة معقدة هو طريقة من طرق السابكونشاس ديستراكشن الناجحة واللي مخلياني مبسرحش بنفسي لنقط بعيدة ومش منطقية، اولسو نون آز بتخليني اتشغل قبل ما احط ايدي جوة النار و بعدين اقعد اشكي منها.

تتصوروا هطلع في يوم مش موجودة؟ شخص من نسج خيالكم؟
مش عارفة ايه اللي مخلي حد يدرك إنه انا بجد حاجة موجودة ولست نوع من انواع الهلاوس.
بس لو انا كدة يبقى ليه احس بوجودي؟
يا رب اطلع خيال والله ومليش وجود حقيقي ويطلع ده ليفل من لعبة حد مبيعرفش يلعب شوية واديني بتنطط اهو مستنياه يعديني.

كل يوم الصبح بتخيل نفسي وقفت قدام العربية بدل ما استدرك، بتخيل انها سابت الشارع كله وجت زي مانا عايزة بالظبط.. بس للأسف السواق كل مرة بيكون صاحي وانا كمان بكون صاحية، حاجة حزينة جدا.

هاف يو ايفر فيلت لايك شخص قاعد على كرسي من الاشواك؟ انتوا نسيتوا اني قاعدة على كرسي اساسا مش كدة؟ ما بالظبط.
انا كمان بنسى، مبحسش غير بالشوك اللي تحتي وانه اي حركة هتيجي عليا بخسارة.

انا عايزة ايه يا ترى، أنا عايزة انام