تحذير، لو مش عايزين تفكروا في حاجة متفتحوش ده

مش عارفة فيه حد يعرف إيه معنى إنه الواحد يبقى خايف من كل حاجة؟
كل الأسباب المختلفة للخوف متاحة بدرجات مختلفة و طول الوقت محاطة بأفكار بتدفعني دفعًا على حافة الخوف دي و مش لاقية أي حاجة ممكن تشدني إلا أوقات قليلة.
تخيل نفسك واقف على حافة فعلا و تحتك ما يهيأ لك إنه نار لكنها مش كدة في الحقيقة.
بحسب كل خطوة و كل ما باخد خطوة أكبر و أقرب أكتر بحس بالنار هتلمسني فبتراجع و أفكر تاني.
الصورة دي مش راضية تطلع من دماغي و تقريبا هي اللي ممشياني.

الغريب إنه حتى الحاجات اللي عارفة إنه ربنا هيعديني منها و مش هيسيبها كدة لأنه بيكون عارف كويس عملت إيه، لكن دايما بحس إني ممكن أكون في حالة خداع لنفسي.. بيتكرر سؤال هل ممكن أكون بكدب على نفسي؟ هل ممكن أكون بهون على نفسي اني عملت ما بوسعي في حين إني بس بحاول أسكتها مش أكتر؟

مش عارفة الحقيقة لاحقا الأمور هتمشي ازاي و مش هقول إنه دي شكوى لأني مش هحاول أبرز حاجة زي دي لكن في الحقيقة؟ انا خايفة ايوة