😪😪

حزين جدا انه يكون أول كلام هنا بعد انقطاع هو عن مدى الحزن و الضيق اللي انا فيه صح؟ 

ده كويس اني مش بكتبه على وشي :D

المشكلة الكبيرة يا أستاذة بلوجر اني حاسة بالوحدة الفظيعة، عارفة الوحدة الاختيارية دي اللي هو بتعزلي نفسك عشان تزودي انتاجيتك فتلاقي لا الإنتاجية بتزيد ولا حاسة انك مرتاحة زي مانتي عايزة 

انا محشورة في دماغي بين المطرقة و السندان زي ما بيقولوا و مهما كانت الدنيا كويسة فأنا في وسط المعركة مش بعرف اشوف اي حاجة ولا حتى طريق الخروج، مش بشوف غير المعركة نفسها و بفضل حاشرة نفسي فيها و يا ريت بحارب طول الوقت و مشغولة، لا شوية اطلع و شوية اتكور و اقعد في صندوق و اقفل على نفسي و اتوتر و اولول و اعيط و اخبط عالحيطان و في البيبان علّ حد او حاجة تسمعني و تنجدني من اللي انا فيه ده، يقولولي أن ان أن دي كدبة ابرييل مفيش امتحان يلا روحوا بيوتكم و ناموا لآخر الدهر.

و عارفة المشكلة الكبيرة؟ انه مينفعش حد يسمع الكلام ده او يشوفه دلوقتي غيرك، لأنك مش انسان و مش هتحسي بحاجة من اللي يقولها و كدة كدة يعني مش هتهتمي أوي.. اعتقد انك ماتيريال مكان ناجح للعويل و البكاء من الكل والولا حاجة، يمكن عشان كدة كنتي ملجأي الفترة دي. 

تو سام اب، باقي ايام معدودة، بس أنا تعبت و قرفت و مش قادرة استحمل ساعة كمان، بس هستحمل ده عشان مضطرة و عشان مفيش حلاوة من غير تعب حتى لو كنت مش عايزة حلاوة اصلا و بحب الموالح هيهيهي، الرحمة و الصبر يا رب ارحمني 😭😭😭😭😭😭😭😭😭😭😭😭😭😭😭😭