بلا بلا ٢
قلت بما إنه ذهني فارغ نوعًا ما و قبل ما تبتدي تبقى زحمة تاني هكتب حاجة عليها القيمة أقصد نص قيمة.. عليها أي حاجة كويسة وخلاص.
ممكن نسمع دي سوا الأول.
ممكن نسمع دي سوا الأول.
شايفين اللوحة الجميلة اللي فوق دي؟
أنا معرفش بقى اسمها إيه ولا مين راسمها.. حقيقي مفهوم الفن عندي قاصر جدًا وده عاجبني.
ده الحاجة الوحيدة اللي بتأكدلي إني في طريقي للنضج، أنا أخيراً بعمل زي ما بيحصل في اللوحة دي بالظبط .. بنقّي اللي عايزاه وبعرف اسيب اللي أحسه مش ملائم.
مكانتش الصفة دي او خلينا نقول الكواليتي دي موجودة زمان، مكنتش اعرف انها ممكن تتغير، ليه كواليتي؟ علشان محدش هينفع يعيش مشتت.
ببساطة مش هيعرف يعيش اصلا.
انا كنت بعتبر نفسي حرفيًا سلة، بلم جوايا كل حاجة ممكن احتاجها أو كل حاجة ممكن تعجبني - وده أسهل حاجة أصلا إنه حاجة تعجبني أو تستهويني بسرعة - ففجأة بلاقي نفسي على طريقها و اكمل وهي بالأساس مش بتاعتي.
وقت كتير اوي راح في حاجات زي كدة، الأكيد اني مخسرتش لما جربت ولكن اتشتتّ.
لو قلنا كنت بقطف في لفة واحدة ست وردات ف دلوقتي بقطف اتنين بس، و بكتفي بإعجابي بالباقيين و بسيبهم للي هيعرف ازاي يتعامل معاهم فعلا، كسرت غروري في إني هعرف اتعامل مع كل حاجة. دي بوينت معقولة جدا في الموضوع ككل.
أنا مش عارفة عايزة أقول إيه، حاسة بملل من ركود تفكيري وحاسة مخي واقف.. أتمنى ألاقي أفكار حقيقية اتكلم عنها لاحقًا.
.png)
Comments
Post a Comment