We don’t do that here

كتير بستغرب إني على هذا القدر من الهشاشة و مقدرش اقعد ساعتين على بعض من غير ما اقول انا حاسة بإيه.

مش عارفة ليه مدية الموضوع أهمية كأن ده شئ بيفرق من الأصل. 

اتعودت لو مبسوطة اتكلم لو متغاظة اتكلم لو هطق من الشلل اقول بردو، مش فاهمة ايه فايدة اني اقول لأني مبقيتش بشوف ده بشكل كويس، بالعكس بقيت بحس اني متطلبة بشكل ما.

دايما محتاجة مُستقبلين لحالتي و دايما عايزة أشارك و فاكرة إنه ده ممكن يبان حاجة لطيفة..

نفسي أرجع زي ما كنت زمان، نفسي أرجع استقبال بس، نفسي محسش بكل هذا الكم من الثِقَل لمجرد اني قررت قرار بسيط جدا وهو اني متكلمش :DD

غريب جدا

صورة ملهاش دعوة بالموضوع 

و كمان أغنية بحبها لكن مش عارفة اسمعها عشان سماعتي باظت :(

الأغنية