في الإعادة إفادة

اتعودت أواين، معلش بقى، لو مكنتش جربت الواينينج للمرة الأولى أعتقد مكنتش هعرف أعمل كدة دلوقتي، شكرًا للظروف.

بغض النظر، عايزة أواين بس مش عارفة ابتدي منين، الشكوى من النفس أمر معتاد، بذمتكم بتشوفوا كام بوست في اليوم بيكون فيه الواحد بيوجه أفظع التهم و السباب لنفسه .. الموضوع ككل يبدو ماينستريم بشكل.

عارفين؟ أنا بلوم نفسي بس على نحو مختلف، أعتقد إني مش هستفيض عشان هيكون كلام ممل أوي و مكرر، بكتب عشان نفسي أيوة بس نفسي - نفسها - تعبت من كتر قراية الكلام ده.

جربت قبل كدة تتخيل يوم بيرفيكت من حياتك؟ من أول لآخر تفصيلة؟ طيب إيه رأيك إنك تعمل كدة كل يوم طول اليوم؟
نفسي المنفصلة عن جسدي بشكل ما هي شخص سادي و غتت و دمه تقيل.

كنت ناوية اكمل بس اعتقد مش هعرف.. ليه ممكن أشير البقع الغير مرتبة دي من الأفكار؟ معنديش فكرة، أنا زهقت بس