حاجة تاني مش فاكرة كتبتها امتى بس wait.. Why so serious

 الل احنا فيه الفترة دي و الفترات الل فاتت لا يمكن يكون طبيعي  ،  احنا عايشين اللعنة  ،  احنا عايشين على حافة الخطر  ف كل لحظة  ،   كل حاجة فينا اتجمدت من اول مشاعر الغضب و السخط لحد مشاعر الألم ..

مبقاش فارق إيه الل يحصل  ،  احنا محاطين بلعنة التغييب الإجباري و الخط الواحد و السكة الل تحت الحيط ..

مهما حاولنا مابينفش ،  مهما بلغت من الأمل مفيش حاجة بتنفع  ،  حالة متكاملة من الهزلية المؤلمة ،  مفيش اي فايدة و مفيش مفر ،  هنفضل ف الدوامة دي عشان اتكتبت علينا  ،  هنفضل بنلف حوالين بعض ،  هنفضل خايفين مهما كنا شجعان  ،  هتفضل الحياة و الفرجة ع العبث و السواد الل بيحصل ده كله من بعيد هو الحل  


هنفضل نهرب كتير من الأسئلة البديهية و من النقاشات على البديهيات  ،  اتحولنا لمسوخ  و الل بيطلع عن القطيع فدى نهايته ،  نهايته الحقيقية..

مش مسموح انك تفكر بره التابوهات ،  مش مسموح إنك تقر بحق ،  محدش ليه حق هنا ،  محدش ليه حق غير ف انه يتمنى أمنية قبل الموت  ،  و ماتكونش صلاح الحال عشان كدة كدة مش هيتصلح..