أمسية ١٠١

أنا بكتب الكلام ده على خلفية من صوت أكتر اغنية - أو يمكن تكون الأغنية الوحيدة - اللي بحبها لأم كلثوم.

غالبًا الأغنية دي عاملالي أزمة ، عشان من ساعة ما سمعتها وانا نفسي اعرف اقلدها و اطلعها بالطريقة الحلوة الملموسة جدا فيها بتاعة أم كلثوم بس دايمًا في حاجة مش مظبوطة .. فبضطر اتراجع و اسمعها زيي زي الناس و اسيب العيش لخبازه يعني.

بسمعها بقالي ما يقارب ٣ إلى ٤ سنين و عمري ما عدّى ليها تسجيل إلا و سمعته و عجبني او جدد اعجابي بيها.

خلونا نرجع لورا شوية و نشوفني في عمر ال ١٠ ل ١٥ يمكن وانا بتريق عليها و على اللي بيسمعها ، و بستتقلها اوي و ازاي بتسمعوها و بتستحملوا اغانيها كدة .. و نقوللي إني مستعجلش لإني أيقنت فعلاً إنه كل مرحلة و اتجاهاتها.

معرفش ليه المقطع الأول بالذات بحبه جدا بموسيقاه بكل حاجة فيه و بتفكرني بأيام لطيفة فعلاً D:
مش عارفة اوصف تاني فيها لأنه الوصف هيكون مخلّ، بس دي فعلاً من الحاجات النادرة اللي ممكن أسمعها للآخر و اعيدها تاني بنفس راضية تماما.

Listen to وصفوا لي الصبر - أجمل تسجيل by Abdulelah 8 #np on #SoundCloud
https://soundcloud.com/abdulelah8/cbfzrctystce