جبروت امرأة

أنا لقيت  جملة حلوة و بصراحة كنت عايزة أكتب عنها موضوع بس معرفش ليه حاساها هي وحدها كافية كموضوع يعني

" every one u meet ,  knows something u don't  "

مهما بلغت من العمر أو المعرفة البسيطة  هفضل مقتنعة تماماً إني ماحصّلتش أي حاجة ،  الدنيا مليانة حاجات لسه ماتعرفتش ،  و كلام لسه ماتقالش ،  و مشاعر و طاقات و قدرات و آراء محبوسة و لسه وقتها مجاش ..

كل حاجة ليها وقتها المناسب بس احنا بنستعجل ،  كل حاجة مترتبة بس احنا كبشر بنبوّظ الترتيب ده عشان يبقى عندنا حاجة نحارب ضدها ،  عشان ماتبقاش حياتنا روتينية يعني كلها وردي أو كلها أسود..

كل حد فينا جواه حتة من البازل ،  بازل كبير اللي هوا 400  ده ،  ف الآخر هنلاقيه بيمثل صورة كبيرة أوي لواقع عمرنا ما عرفنا تفاصيله كاملة

كل ده مش هيخلص و لا حتى ف اللحظة اللي الأرض تبطّل فيها تلّف  ،  أو اللي ياكل فيها الزومبيز آخر العقول البشرية على الأرض..

* عارفة والله إن البازل الكبير بيبقى ألف مش ربعومية بس الرقم عجبني يعني ,-,   *

/o