What ! щ(ºДºщ)

مساء أو صباح الخير ..

ف لحظة صفا كدة كنت بافكر ف حاجة مهمة جدا ،  كام موقف ف حياتي قلت ع الناس الل اتعاملت معاهم أغبياء؟ ،  كتير جدا ،  كتير لدرجة اني مش عارفة أعدهم حتى ،  انا معنديش بس ناس أغبيا ،  لا في أصوات غبية  " تزييق الباب ،  المؤثرات الصوتية المصاحبة للأكل >> أصوات مثيرة للجنون"  و في ألوان غبية و أشكال غبية و ساعات أقلام جاف غبية ..


فكرت ف الموضوع بشكل تاني ،  ماذا لو ..  كنت أنا الل غبية؟ ،  و الناس كلها هيا الل شايفاني مجنونة؟ ،   ماذا لو .. مفيش حاجة اسمها غباء أصلاً ؟..   يعني كل واحد ذكي بحدود معينة و إن " غباء"  دي حاجة تضيف ساسبنس للحياة مش أكتر؟
ماذا لو الغبي ده كان ذكي بس باقول كدة و خلاص عشان متغاظة ؟
و لو مكانش في غباء كان هيبقى في ذكاء؟

معقول قسم الهستو و البايو و دكاترته مش أغبيا !  معقول !  :o

- ريليتيد :

* انتا ممكن تكون واحد بس ف نظر الناس اتنين ،  واحد ذكي جدا و واحد غبي جدا

دايماً في الل بيعتقد انك غبي على طول ،  و لو قلت حاجة كويسة يبقى انتا بتتغابي عشان تبقي ذكي جدا زيه ،  و في ناس دايماً بتشوفك ذكي جدا و لو غلطت يبقى بتعمل نفسك غبي بطريقة ذكية عشان يبطلوا يعتقدوا انك ذكي جدا

و بين الذكي جدا و الغبي جدا انتا ممكن تكون عادي بس اختلاف النظرة للأمور و التهويل و حب تفصيص الناس بيحولك ل " جدا"  و " جدا"  بغض النظر عن حقيقتك ايه..   *

ده من أحسن و أصدق 35 حاجة كتبتها ف حياتي ،  أنا مش فاهمة حاجة أصلاً م الل فوق ده كله..

شكراً :DDD