جبروت امرأة

صباح الخير ،  تاني :'D

سلمي ممتنة جداً جداً لوجود  بلوج ف حياتها  ،  ممتنة جداً للمساحة الواسعة الل بتخليني أفضى كل الل ف دماغي و أطلع كل تفكيري و تفسيري و سلاماتي و احتراماتي و قبلاتي  ،  من غير مالاقي  حد بيقولي ايه الل كاتباه ده؟ ،  مين؟ ،  فين؟ ، ليه؟!،  انتي كويسة؟ ،  امال كاتبة كدة ليه؟ ،  بلا بلا بلا  ....

ممتنة لأنها بتكتب بعبثية ،  حاجات ملهاش فايدة احسن ماعتبر نفسي مركز الكون مثلاً !.. 

ممتنة جداً لعدم وجود ناس بتنتهك كلامها و  بيسيبوها تهري ف  اي حاجة عن أي حاجة .. 

ممتنة جداً خالص لعدم وجود مئات من الأصدقاء الوهميين و مئات من المتابعين الوهميين بردو  بيعملوا لايك على البوستات الوهمية بتاعتها .. 

ممتنة جداً جدًا لهذه المساحة الساكنة و الصاخبة من العالم ! 

شكراً للزمن والله ميرسي كتير :''D